Zyrtare: Leeds United shkarkon Marcelo Bielsan

12:09 | 27 Shkurt 2022
Lorik Gerbeshi

Leeds United ka ndarë rrugët me menaxherin, Marcelo Bielsa pas humbjes 4-0 të së shtunës në shtëpi kundër Tottenham Hotspur.

Ky rezultat e lë klubin të luftojë për mbijetesë në Premier League, pasi ka pranuar 14 gola në tre ndeshjet e fundit.

Kjo do të thotë se 66-vjeçari, Bielsa është liruar nga detyra e tij, me ish-trajnerin e Salzburgut dhe RB Leipzig, Jesse Marsch raportohet se është favorit për të marrë drejtminin e “Elland Road”.

Bielsa zëvendësoi Paul Heckingbottom si trajner i bardhezinjëve në qershor 2018 dhe e ktheu klubin në Premier League pas 16 vitesh.

Sezonin e kaluar, tekniku argjentinas arriti një përfundim mbresëlënës në vendin e nëntë në Premier Leagie, por vetëm pesë fitore të ligës deri më tani në 2021/22 i lënë ata vetëm dy pikë larg zonës së rënies dhe kanë zhvilluar dy ndeshje më shumë se Burnley./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm